«ՄԵՆՔ»-ի հիմնադիր՝ Գրիգորյանների ընտանիքը երկար տարիներ աջակցություն է ցուցաբերել մշակույթային նախագծերին, որոնց կայանալը կախված է եղել միայն ֆինանսական խնդիրներից։ Լինելով սերտ կապված մշակույթի հետ՝ Գրիգորյանները քաջատեղյակ են եղել այս բնագավառի գործիչների խնդիրներին։ Այդ իսկ պատճառով՝ «ՄԵՆՔ»-ի օժանդակության առաջնային տեղը զբաղեցնում է ֆինանսական աջակցությունը հենց մշակույթի բնագավառում։ Հետագայում Գրիգորյանների կողմից բարեգործական նախաձեռնությունները ընդլայնվել են և ընդգրկել այնպիսի նախագծեր, ինչպիսիք են աջակցության կարիք ունեցող հաշմանդամություն ունեցող երեխաների վերականգնողական թերապիայի ֆինանսավորում։ Այսպես, 2021թ․-ին ծնվեց «ՄԵՆՔ» բարեգործական հասարակական կազմակերպությունը: ՄԵՆՔ-ը որդեգրել է հետևյալ առաքելությունը՝ օժանդակել օգնության կարիք ունեցողներին, և օգնել հաղթահարել դժվարությունները միասին։